![Varðskipið Freyja er mjög öflugt skip sem fellur vel að starfsemi og verkefnum Landhelgisgæslunnar þó að það hafi verið hannað fyrir annars konar starfsemi í upphafi.](/myndir/gagnasafn/2024/08/31/94e9ccb7-fe3c-4bcd-9913-d67a0ef99e89.jpg)
Elínrós Líndal Ragnarsdóttir
elinroslr@gmail.com
Einar Heiðar Valsson, skipherra hjá Landhelgisgæslunni, starfar á varðskipinu Freyju. Hann hefur gegnt stöðu skipherra á Freyju frá því að hún kom til landsins á haustmánuðum ársins 2021. Hann segir þá sem starfa á Freyju vera afar stolta af nafni hennar og skipinu sjálfu.
„Ég hóf störf hjá Landhelgisgæslunni vorið 1981 sem vikadrengur á varðskipinu Tý, þá 15 ára að aldri. Ég var ráðinn eina ferð til reynslu í upphafi en hef starfað hjá stofnuninni allar götur síðan, þannig að ferillinn spannar rúm 43 ár,“ segir Einar og bætir við: „Starfsandinn er mjög góður og sterkur hjá Landhelgisgæslunni.“
Landhelgisgæslan er löggæslustofnun sem sinnir fjölbreyttu hlutverki í samfélaginu. Starfsemin er gríðarlega
...