Þórir S. Gröndal
Mikið er rætt og skrifað þessa dagana um vesalings tungumálið okkar, íslenskuna. Henni er iðulega jaskað út og stöðugt í hana slett enskum orðum. Eitt uppáhaldsslettiorð yngri kynslóðanna er kaos (chaos). Það er fyrirgefanlegt þegar notuð eru erlend orð yfir hugtök sem ekki eru til á íslensku. En því er ekki til að dreifa með „chaos“, því þar eigum við flott orð eins og glundroða og sér í lagi ringulreið, sem ég ætla að nota hér.
Fyrirkomulagið um kosningar til forseta í Bandaríkjunum er furðulegt þótt ekki sé meira sagt. Allt er kerfið flókið enda orðið gamalt, úthugsað á átjándu öldinni, og eru litlir möguleikar á því að breytingar komi til í bráð. Torskildast er ákvæðið með kjörmennina, sem hefir nokkrum sinnum orsakað að sá frambjóðandinn, sem fær fleiri almenn atkvæði, geti samt tapað kosningunni. Ég held að
...