Þau fá allt of mikið frelsi

„Mér finnst ekki bara vopnaburður hafa aukist heldur líka skipulögð slagsmál,“ segir Rúna Ágústsdóttir fjölskylduráðgjafi hjá Foreldrahúsi. Segir Rúna svo virðast sem ofbeldi sé orðið mun eðlilegri hlutur í menningu ungmenna og ýmsar óskrifaðar reglur og venjur séu meðal þeirra um hvernig slagsmálin skuli fara fram. „Þá eru þau búin að ákveða að hittast í einvígi og búin að skipuleggja hvar og hvenær og hver eigi að taka það upp,“ segir Rúna.