![Eiríkur Þorsteinsson](/myndir/gagnasafn/2024/09/04/b1126b3a-a303-4279-a29e-3dc504810bd7.jpg)
Eiríkur Þorsteinsson
Landsvirkjun hefur fengið leyfi til framkvæmda við vindorkugarð sem inniheldur fjölda vindmylla við Búrfell og fyrir liggur að fleiri fylgi í kjölfarið, enda orkan vistvæn og eftir nógu að sækjast í íslenskum gusti.
Aftur á móti er efnið sem er notað í vindmyllur nútímans með hátt kolefnisspor og ekki umhverfisvænt og því verulegur ávinningur ef hægt er að minnka kolefnisspor uppbyggingarinnar.
Ég heimsótti byggingasvæði í Svíþjóð fyrir rúmum 30 árum, þar sem verið var að reisa fjölbýlishús úr timbri. Hópurinn sem ég var með var starfsmenn rannsóknastofnana á Norðurlöndum sem störfuðu við timburrannsóknir. Menn höfðu ýmsar skoðanir á því hvort það væri eitthvert vit í að reisa fjölbýlishús úr timbri, en allir voru sammála um kosti þess að nota byggingarefni með lágt kolefnisspor.
...