Ásgeir Ingvarsson
ai@mbl.is
Vöruúrvalið hjá Aflvélum hefur stækkað töluvert á undanförnum árum en á meðan á kórónuveirufaraldrinum stóð krækti félagið í umboð fyrir dráttarvélaframleiðandann Valtra.
Friðrik Ingi Friðriksson er framkvæmdastjóri Aflvéla og segir hann mikinn feng í Valtra: „Um er að ræða finnska hönnun þar sem þægindi ökumanns eru í forgrunni og tæknin notuð til að gera alla notkun dráttarvélarinnar einfaldari.“
Sem dæmi um nýjungarnar hjá Valtra nefnir Friðrik Ingi að nú séu í boði fullkomnar GPS-lausnir sem auka nákvæmni og skilvirkni við störf úti á túnum og þá bjóða sumar gerðir Valtra-dráttarbíla upp á töluverða sjálfvirkni við tilteknar aðstæður. „Með GPS-sjálfstýringu setur dráttarvélin sjálfvirka aðgerðaröð af stað – Auto U-Pilot – sem
...