![Stemning Nokkrar konur Magdalenu njóta sín á gólfinu á vinnustofu hennar á Korpúlfsstöðum.](/myndir/gagnasafn/2024/09/06/5fe53b08-9657-4434-b556-85dd4bdf63ca.jpg)
Kristín Heiða Kristinsdóttir
khk@mbl.is
„Ég var heilmikið að vefa áður en ég fór í formlegt myndlistarnám, en grafíkin hefur átt hug minn undanfarna fjóra áratugi,“ segir Magdalena Margrét Kjartansdóttir, en yfirlitssýning hennar, Magdalena, opnar á Hlöðulofti Korpúlfsstaða á morgun laugardag. Verk hennar eru ýmist unnin í tré- eða dúkristur og handprentuð á japanskan pappír.
„Þetta eru nokkur mjög stór verk, sum eru fjórir metrar á lengd og mér leið eins og ég væri í dúkkulísuleik þegar ég var að setja allar þessar konur á veggina fyrir sýninguna. Um að gera að hætta aldrei að leika sér,“ segir Magdalena sem hefur haldið fjölda einkasýninga og samsýninga í nær öllum listasöfnum hér á landi og um allan heim, nú síðast í Banco das Artes Leiria Portugal 2022. Verk
...