![Morðmál Kjell Bergqvist leikur Bäckström.](/myndir/gagnasafn/2024/09/06/0ac4ba3c-a235-4b35-b71a-5002d97593a1.jpg)
Ásdís Ásgeirsdóttir
Sænska morðlöggan Evert Bäckström er sérlega skemmtileg týpa, en seríurnar þrjár um þennan hrokafulla karlpung má finna í Sjónvarpi Símans. Bäckström telur sig klárlega besta morðrannsóknarlögreglumann heims og á milli þess sem hann leysir morðmál talar hann um ágæti sitt í sjónvarpi. Bäckström fer nokkuð óhefðbundnar og ekki alltaf löglegar leiðir þegar hann rannsakar mál sín og sést jafnvel stinga á sig fé eða hlutum ef tækifærin gefast. Oft er hann heldur ekkert allt of allsgáður. En snjall er hann, þrátt fyrir allt.
Í fyrstu seríu rannsakar hann dularfullt morð þar sem beinagrind konu finnst á lítilli eyju. Í ljós kemur að konan hafi í raun látið lífið í flóðbylgjunni miklu árið 2004 í Taílandi og því er það mikil ráðgáta hvernig líkið endaði á eyju í Svíþjóð.
Í seríu tvö koma fyrir vondir Rússar, en ekki hvað, og dularfull og rándýr brúða af Gosa. Ástin
...