Töluvert er um fundahöld þessa dagana í húsnæði ríkissáttasemjara vegna viðræðna um endurnýjun kjarasamninga og í þeim deilum sem vísað hefur verið til sáttameðferðar. Viðræður hafa farið rólega fram og ekki dregið til neinna sérstakra tíðinda enn sem komið er.
Alls hefur þrettán kjaradeilum verið vísað til ríkissáttasemjara sem eru í vinnslu hjá embættinu. Auk þess er unnið að ýmsum verkefnum með verkstjórn ríkissáttasemjara eins og verið hefur, að sögn Ástráðs Haraldssonar ríkissáttasemjara.