Tvær sýningar verða opnaðar í Gallery Port í dag, laugardaginn 7. september. Þá opnar Hlynur Hallsson sýningu sína Herbergi með útsýni og Páll Ivan frá Eiðum opnar sýninguna Óspilandi helvíti
![Myndlist Hlynur sýnir ný verk í Gallery Port og gefur um leið út bók.](/myndir/gagnasafn/2024/09/07/71519910-c88c-4cb9-9431-33c3f947feba.jpg)
Myndlist Hlynur sýnir ný verk í Gallery Port og gefur um leið út bók.
— Morgunblaðið/Hákon
Tvær sýningar verða opnaðar í Gallery Port í dag, laugardaginn 7. september. Þá opnar Hlynur Hallsson sýningu sína Herbergi með útsýni og Páll Ivan frá Eiðum opnar sýninguna Óspilandi helvíti.
Verk Hlyns eru öll frá þessu ári, ljósmynda- og textaverk, spreyverk og teikningar. Í tilefni sýningarinnar kemur út bókin Þúsund dagar – Dagur eitthundraðþrjátíuogníu til tvöhundruðfjörutíuogþrjú sem byggð er á dagbókum Hlyns, sem hann hefur skrifað undanfarin 40 ár og hugleiðingum þeim tengdum.
Páll sýnir í Sjoppunni sem er nýtt tilraunarými í Gallery Port þar sem alls konar myndlistarfólk sýnir ný og nýleg verk. Páll hefur látið til sín taka í íslensku listalífi á ýmsum sviðum en hér sýnir hann nýjar teikningar.
...