![„Valdafólk hér ber það margt ekki með sér að hafa nokkru sinni stigið upp í strætisvagn, hvað þá að hafa búið á stað þar sem almenningssamgöngur eru í lagi.“](/myndir/gagnasafn/2024/09/07/d6713a17-4a94-46df-86f4-e41b21cc0a56.jpg)
Smitberinn
Halldór Armand
halldor.armand @gmail.com
Félagi minn þurfti að komast heim til sín í Holtin úr Mosfellsbæ klukkan 22 á Menningarnótt. Einhver þurfti að sinna hestum meðan aðrir sinntu menningunni. Hann gekk út á stoppistöð og komst þar að því að þjónusta strætó hafði verið felld niður; það var sumsé gert ráð fyrir því að enginn þyrfti að komast í átt til bæjarins, bara frá honum. Hann tók því leigubíl sem kostaði 8.000 krónur.
Ég er staddur í hinu stórhættulega Evrópusambandi, nánar tiltekið Þýskalandi, þar sem ég nota svokallaðan Deutschland-miða. Hann gildir í allar almenningssamgöngur innan allra borga Þýskalands og milli þeirra í heilan mánuð. Miðinn kostar 49 evrur, 7.500 krónur. Það kostar meira að komast einu sinni heim til sín úr Mosfellsbæ
...