![Rit eignastýringar Kviku setti fram hugleiðingar um verðbólgu.](/myndir/gagnasafn/2024/09/11/3ab2ee76-b28a-436c-892d-0ca6d8b26c59.jpg)
Samkvæmt nýju fréttariti Eignastýringar Kviku fyrir september kemur fram að ólíklegt sé að Seðlabanki Íslands lækki vexti á næsta fundi peningastefnunefndar í október. Þar kemur jafnframt fram að Kvika líti svo á að verðbólga þyrfti að lækka um að lágmarki þrjár kommur til að Seðlabankinn meti það svo að raunaðhaldið sé nægilegt (þ.e. verðbólga mælist 5,7% eða lægra) og vaxtalækkun komi þannig til álita.
Ólíklegt þykir að verðbólga hafi lækkað nóg til að réttlæta vaxtalækkun hjá peningastefnunefnd þegar hún kemur saman í október, því munu vextir að líkindum haldast óbreyttir. Að mati Kviku er vonast til að verðbólga lækki niður í allt að 5,6% þegar nefndin kemur saman í nóvember.
Ef það gengur eftir myndi skapast svigrúm til að lækka vexti. Ólíklegt er að það væri meira en 25 punkta lækkun.