1973 Ekki skal rita z fyrir upprunalegt tannhljóð (d, ð, t) + s, þar sem tannhljóðið er fallið brott í eðlilegum framburði Auglýsing um afnám z
![Spurt um z Morgunblaðið spurði nokkur ungmenni um álit þeirra á afnámi setunnar í september 1973.](/myndir/gagnasafn/2024/09/12/41df355b-7d53-4d2b-a48c-fcc14feeab70.jpg)
Spurt um z Morgunblaðið spurði nokkur ungmenni um álit þeirra á afnámi setunnar í september 1973.
Sviðsljós
Guðm. Sv. Hermannsson
gummi@mbl.is
Aðalfréttin á baksíðu Morgunblaðsins 5. september 1973 bar fyrirsögnina: Z numin úr ritmáli
Nú hefur stafsetningin breyst en ekki breytzt.
Síðan segir að bókstafurinn z hafi verið afnuminn úr íslenskri stafsetningu en greinilegt er að ritstjórn blaðsins hefur ekki tekið þær reglur til sín og í fréttinni er setan notuð óspart:
„Menntamálaráðuneytið hefur fallizt á tillögur nefndar, sem endurskoða á reglur um stafsetningu og greinarmerkjasetningu þess efnis að „seta“ verði felld niður úr íslenzku ritmáli. Reglur um þetta eru auglýstar í dag og öðlast þegar gildi. „Setan“ hefur verið í gildi frá því í febrúarmánuði 1929,“
...