Áætlað heildartjón á mannvirkjum í Grindavík gæti numið allt að 16-17 milljörðum króna. Náttúruhamfaratrygging hefur metið tjón á íbúðarhúsum í Grindavík upp á 6,5 milljarða en á eftir að klára mat á tjóni á innviðum eins og veitum, hafnarmannvirkjum og atvinnuhúsnæði
![Náttúruhamfarir Tjónið sker sig frá öðrum jarðskjálftatjónum eins og til dæmis Suðurlandsskjálftunum árin 2000 og 2008 þar sem meira er um altjón.](/myndir/gagnasafn/2024/09/12/d4b9809b-c311-4f64-8ec8-82e605321112.jpg)
Náttúruhamfarir Tjónið sker sig frá öðrum jarðskjálftatjónum eins og til dæmis Suðurlandsskjálftunum árin 2000 og 2008 þar sem meira er um altjón.
— Morgunblaðið/Árni Sæberg
Óskar Bergsson
oskar@mbl.is
Áætlað heildartjón á mannvirkjum í Grindavík gæti numið allt að 16-17 milljörðum króna. Náttúruhamfaratrygging hefur metið tjón á íbúðarhúsum í Grindavík upp á 6,5 milljarða en á eftir að klára mat á tjóni á innviðum eins og veitum, hafnarmannvirkjum og atvinnuhúsnæði.
Þetta kom fram í máli Jóns Örvars Bjarnasonar, sviðsstóra vátryggingasviðs Náttúruhamfaratrygginga, á málþingi um jarðskjálftahættu á Íslandi sem haldið var á vegum Verkfræðingafélags Íslands.
Eftir að klára mat á innviðum
Heildarvirði vátryggðra eigna í Grindavík var metið á rúma 150 milljarða króna þegar hamfarirnar byrjuðu í nóvember. Tjónið sem orðið hefur á íbúðarbyggingum nemur nær 6,9 milljörðum. Stærsti hlutinn, 6,5 milljarðar, er vegna tjóns
...