![Liðstyrkur Isaiah Coddon lék síðast með Álftanesi hér á landi.](/myndir/gagnasafn/2024/09/12/202f99d6-6dca-4d9b-bcca-794dd6711aee.jpg)
Liðstyrkur Isaiah Coddon lék síðast með Álftanesi hér á landi.
— Ljósmynd/Njarðvík
Körfuknattleiksdeild Njarðvíkur hefur samið við tvo leikmenn um að leika með liðinu á komandi tímabili, þá Alexander Smára Hauksson og Isaiah Coddon. Alexander er bakvörður sem hefur spilað fyrir yngri landslið Íslands. Hann lék síðast í norsku úrvalsdeildinni og þar áður í bandaríska háskólaboltanum. Bakvörðurinn Coddon er 28 ára Bandaríkjamaður með íslenskt ríkisfang. Hann hefur áður leikið með Skallagrími, Haukum og nú síðast Álftanesi.