![Söngleikjastælar Sigríður Eyrún Friðriksdóttir og Bjarni Snæbjörnsson fagna vináttunni með tónleikaröð.](/myndir/gagnasafn/2024/09/12/89297806-6d2f-41d8-9d55-b7ea1543753c.jpg)
Anna Rún Frímannsdóttir
annarun@mbl.is
Vinirnir Sigríður Eyrún Friðriksdóttir, oftast kölluð Sigga Eyrún, og Bjarni Snæbjörnsson eru að eigin sögn ástríðufullir söng-leikarar. Síðustu ár hafa þau verið iðin við að leika í söngleikjum, setja upp og sýna eigin söngleiki sem og að halda tónleika með hinum ýmsu söngleikjaþemum.
Í vetur standa þau fyrir tónleikaröðinni Söngleikjastælum, ásamt Karli Olgeirssyni og hljómsveit, en hún fer fram í Salnum í Kópavogi og hefst í næstu viku, föstudaginn 20. september. Um er að ræða fimm tónleika og á hverja þeirra mæta til þeirra tveir gestasöngvarar og flytja sín uppáhaldssöngleikjalög en þeir eru: Jóhanna Vigdís Arnardóttir (Hansa), Una Torfadóttir, Valgerður Guðnadóttir, Örn Árnason, Margrét Eir Hönnudóttir, Kristinn Óli Haraldsson (Króli), Björgvin
...