Meyvant Þórólfsson
Nærri tveir áratugir eru liðnir síðan íslenskum nemendum bauðst síðast að þreyta samræmd lokapróf í stærðfræði, náttúruvísindum og íslensku að loknu skyldunámi. Á sama tíma hefur námsárangri hrakað jafnt og þétt á þessum sömu námssviðum í alþjóðlegum samanburðarmælingum. Ekki eru horfur á að það breytist á næstu árum.
Aðalnámskrá 1999
Samræmd lokapróf voru síðast í boði á gildistíma Aðalnámskrár 1999. Að mati undirritaðs hefur engin opinber námskrá á Íslandi verið eins hyggilega úr garði gerð hvað inntak snertir og námsmarkmið. Talsverð vinna var lögð í gerð hennar, enda afraksturinn eftir því: Vönduð inntaksmiðuð námskrá í tólf heftum þar sem gætt var að samsvörun milli alhliða þroska nemenda, hagnýtra námssviða og fræðigreina. Hún studdi við samfellda uppbyggingu náms og kennslu frá 1. bekk upp
...