„Þetta kom mjög skemmtilega á óvart,“ segir Ævar Þór Benediktsson, sem tók við Barnabókaverðlaunum Guðrúnar Helgadóttur í Höfða síðdegis í gær. Hann hlaut verðlaunin fyrir handrit að bókinni Skólastjórinn
Verðlaunaður Katrín Lilja Jónsdóttir, Yrsa Sigurðardóttir, Ævar Þór og Einar Þorsteinsson borgarstjóri.
Ragnheiður Birgisdóttir
ragnheidurb@mbl.is
„Þetta kom mjög skemmtilega á óvart,“ segir Ævar Þór Benediktsson, sem tók við Barnabókaverðlaunum Guðrúnar Helgadóttur í Höfða síðdegis í gær. Hann hlaut verðlaunin fyrir handrit að bókinni Skólastjórinn.
Verðlaunin eru veitt árlega fyrir óprentað handrit að barna- eða ungmennabók og er ætlað að hvetja til metnaðarfullra skrifa fyrir börn og ungmenni og halda á lofti merkjum eins okkar ástsælasta barnabókahöfundar, að því er segir í tilkynningu.
Ævar nefnir sérstaklega að það hafi mikla þýðingu að verðlaunin séu kennd við Guðrúnu Helgadóttur. „Margir segja að Guðrún sé okkar Astrid en í mínum huga þarf ekki að bera hana saman við neinn. Hún var einstök,“ segir hann
...