Kristín Heiða Kristinsdóttir
khk@mbl.is
Ekki vissu margir af þessum limrum Þorsteins á servíettum þegar hann lést árið 1977, en hann hafði geymt þær í kassa sem leyndist í dánarbúi hans. Guðrún systir hans tók þær að sér og geymdi, en bókbindari setti þær í sérstakar plastmöppur svo þær geymdust betur. Þegar við ættingjarnir vorum með hátíð um aldarminningu Þorsteins árið 2018, þá sýndum við þessa möppu með servíettunum á Bókasafni Kópavogs og vakti það mikla athygli þeirra sem skoðuðu. Það varð hvatning til að gefa þær út á bók,“ segir Þorsteinn Gunnarsson, annar ritstjóri nýrrar bókar, Limrur á servíettum, en þær geyma, eins og nafnið bendir til, myndir af servíettum með handskrifuðum limrum. Þær samdi og skrifaði frændi hans Þorsteinn Valdimarsson, skáld, tónlistarmaður og
...