kvikmyndir
Helgi Snær Sigurðsson
Ólíkindatólið Beetlejuice, eða Betelgás eins og hann heitir á íslensku, birtist fyrst í kvikmyndinni Beetlejuice árið 1988 í spaugilegri og kraftmikilli túlkun leikarans Michaels Keatons. Líklega átti enginn von á því að Keaton myndi snúa aftur í hlutverki þessa djöfullega prakkara 36 árum síðar, líkt og raunin varð.
Keaton er orðinn löggilt gamalmenni, 73 ára, en bregður sér, að því er virðist áreynslulaust, aftur í þetta gamla hlutverk sitt og virðist engu hafa gleymt. Hlutur hans í þessari nýju mynd er álíka mikill og í þeirri gömlu, aðeins um 17 mínútur, en þær eru vel nýttar og langskemmtilegasti hluti myndarinnar. Þegar Keaton fær sviðið fer myndin á flug, nær súrrealískum hæðum og kitlar hláturtaugarnar. Því miður á það ekki við um myndina í
...