ÍBV tryggði sér sigur í fyrstu deild karla í knattspyrnu með því að gera jafntefli við Leikni úr Reykjavík, 1:1, í Breiðholti á laugardag. Um leið tryggðu Eyjamenn sér sæti í Bestu deildinni að nýju eftir að hafa fallið úr henni síðastliðið sumar
Besta deildin Fyrirliðinn Alex Freyr Hilmarsson hefur bikarinn á loft eftir að ÍBV tryggði sér sigur í fyrstu deildinni og þar með sæti í Bestu deildinni.
— Morgunblaðið/Ólafur Árdal
Fyrsta deildin
Gunnar Egill Daníelsson
gunnaregill@mbl.is
ÍBV tryggði sér sigur í fyrstu deild karla í knattspyrnu með því að gera jafntefli við Leikni úr Reykjavík, 1:1, í Breiðholti á laugardag. Um leið tryggðu Eyjamenn sér sæti í Bestu deildinni að nýju eftir að hafa fallið úr henni síðastliðið sumar.
ÍBV vann sér inn 39 stig og skákaði Keflavík sem hafnaði í öðru sæti með 38 stig. Fjölnir varð í þriðja sæti með 37 stig, Afturelding var í fjórða sæti með 36 stig og ÍR, sem kom upp úr 2. deild á síðasta tímabili, var með 35 stig í fimmta sæti.
Keflavík, Fjölnir, Afturelding og ÍR fara öll í úrslitakeppni og mætast í umspili um eitt laust sæti til viðbótar í Bestu deildinni.
...