Ragnar Sigurðsson
Lóðaúthlutanir sveitarfélaga hafa verið til umræðu enda óumdeilt að stóran hluta vanda húsnæðismarkaðarins í landinu má rekja til lóðaskorts. Fróðir segja að til að bæta í þennan vanda og takmarka lóðaframboð enn frekar sé í gildandi svæðisskipulagi höfuðborgarsvæðisins 2015-2040, frá árinu 2015, sérstök samþykkt um að vaxtarmörk marki skýr skil milli þéttbýlis og dreifbýlis og nýrri byggð verði beint á miðkjarna og samgöngumiðuð þróunarsvæði. Að auki sé sala lóða orðin mikilvæg tekjulind sveitarfélaganna. Svo er á höfuðborgarsvæðinu þangað sem allt sogast fyrir tilstilli æ meiri ríkisþenslu.
Næg vinna og góðar tekjur
Enginn lóðaskortur er í Fjarðabyggð. Sveitarfélagið býður fjölda lóða í öllum byggðarkjörnum. Það er ákjósanlegur kostur fyrir þá sem leita góðrar búsetu, fjárfestingartækifæra og
...