Fyrirliði Guðmundur Magnússon fyrirliði Fram er kominn í bann.
— Ljósmynd/Kristinn Steinn
Framararnir Alex Freyr Elísson, Guðmundur Magnússon og Þorri Stefán Þorbjörnsson verða ekki með Fram er liðið mætir KR á útivelli í neðri hluta Bestu deildarinnar í fótbolta á sunnudag. Voru þeir allir úrskurðaðir í leikbann í gær vegna fjölda áminninga á tímabilinu. Alex Freyr hefur fengið tíu gul spjöld á leiktíðinni og þeir Guðmundur og Þorri fjögur hvor. Þá verður Silas Songani ekki með Vestra er liðið leikur við HK á heimavelli í stórum leik í botnbaráttunni.