Haustdagskrá Jazzklúbbsins Múlans hefst með tónleikum á Björtuloftum Hörpu í kvöld, miðvikudag, klukkan 20. „Á tónleikunum kemur fram píanóleikarinn Tómas Jónsson ásamt tríói sínu. Tríóið hljóðritaði plötu á dögunum sem er væntanleg með vetrinum. Tónlistin sem er eftir Tómas er býsna fönkí og lagræn,“ segir í viðburðarkynningu. Miðar fást í miðasölu Hörpu og á vefnum harpa.is.