Auður, sparnaðarþjónusta innan Kviku, hefur haslað sér völl á fyrirtækjamarkaði og býður fyrirtækjum nú sparnaðarreikninga sem bera hæstu vexti í samanburði við sambærilega reikninga annarra banka.
Fram til þessa hefur Auður boðið einstaklingum upp á einfalda sparnaðarreikninga á netinu með hæstu mögulegu vöxtum án binditíma en nýju reikningarnir eru ætlaðir fyrirtækjum og bera 8% vexti óháð innlánsupphæð, á óbundnum og óverðtryggðum sparnaðarreikningum. Það eru hæstu vextir á sambærilegum reikningum sem í boði eru á fyrirtækjamarkaðinum í dag.
Í tilkynningu segir að hinir nýju reikningar standi öllum fyrirtækjum til boða óháð því hvort þau séu í öðrum viðskiptum við Kviku og að reikningarnir beri hvorki stofngjald né færslugjöld.
Í samtali við ViðskiptaMoggann segir Ármann Þorvaldsson forstjóri Kviku að
...