Baksvið
Sigtryggur Sigtryggsson
sisi@mbl.is
Rútubruninn við Vestfjarðagöng á dögunum hefur beint sjónum að öryggismálum í jarðgöngum hér á landi.
Langmesta umferðin er um Hvalfjarðargöng. Þau voru tekin í notkun árið 1998. Umferðin um göngin hefur aukist jafnt og þétt og er nú komin að þolmörkum. 50 milljónasta ökutækið fór um göngin í september í fyrra, á 25 ára afmælisári ganganna.
Öryggismál í Hvalfjarðargöngunum komu til umræðu eftir atvikið við Vestfjarðagöng, m.a. hjá Jóni Viðari Matthíassyni slökkviliðsstjóra höfuðborgarsvæðisins. Menn veltu því fyrir sér hvað gæti gerst ef rúta yrði alelda í miðjum göngunum.
„Vegagerðin vinnur að uppfærðu áhættumati. Þar munu koma í
...