Besta deildin
Víðir Sigurðsson
vs@mbl.is
Valur og Breiðablik mætast í hreinum úrslitaleik um Íslandsmeistaratitil kvenna í knattspyrnu næsta laugardag, eftir að bæði lið unnu leiki sína í næstsíðustu umferðinni á laugardaginn.
Valskonur máttu ekki misstíga sig því allt annað en sigur gegn Víkingi í Fossvogi hefði fært Blikum meistaratitilinn á silfurfati. Þær unnu, 2:1, og eru því stigi á eftir Breiðabliki, sem þar með nægir jafntefli í úrslitaleiknum sem hefst klukkan 16.15 á laugardaginn á Hlíðarenda.
Glæsilegt mark Önnu Rakelar Pétursdóttur beint úr aukaspyrnu upp í markvinkilinn, sem kom Val í 2:0 undir lok fyrri hálfleiks, vó þungt í sigrinum.
Breiðablik vann á meðan FH, 4:2, í líflegum leik á Kópavogsvelli þar sem fimm mörk voru skoruð í fyrri hálfleik.
Samantha Smith hélt uppteknum hætti og skoraði tvö marka Blika ásamt því að
...