Unnið er þessa dagana að flutningi á stóru mósaíkverki eftir Nínu Tryggvadóttur sem er í húsakynnum Icelandair við Reykjavíkurflugvöll. Því verður nú komið fyrir í nýjum höfuðstöðvum flugfélagsins í Hafnarfirði, en þangað er verið að flytja starfsemina nú og á því að ljúka fyrir áramót
Handverk Listaverkið er tekið niður af vegg í stigagangi í bitum og bútum. Allt gerist eftir kúnstarinnar reglum.
— Morgunblaðið/Árni Sæberg
Sigurður Bogi Sævarsson
sbs@mbl.is
Unnið er þessa dagana að flutningi á stóru mósaíkverki eftir Nínu Tryggvadóttur sem er í húsakynnum Icelandair við Reykjavíkurflugvöll. Því verður nú komið fyrir í nýjum höfuðstöðvum flugfélagsins í Hafnarfirði, en þangað er verið að flytja starfsemina nú og á því að ljúka fyrir áramót. Skrifstofuhúsið á flugvellinum er í eigu Reita sem munu ráðstafa því í aðra starfsemi.
Verkið var upphaflega á Kennedy-flugvelli
Verkið sem er er 5,9 x 2,7 m á stærð er án titils en hefur verið kallað Víkingaskip á siglingu í takt við myndefnið. Það var á sínum tíma sérstaklega unnið af listakonunni Nínu fyrir orð Sigurðar Helgasonar, þá svæðisstjóra Loftleiða í Bandaríkjunum og seinna forstjóra Flugleiða. Var því komið fyrir í afgreiðslusal félagsins
...