Þótt það líði ár á milli þess sem bækurnar koma út, þá líður tíminn ekki eins hratt í Mýrarsveitinni. Síðasta bók endaði að hausti og þessi hefst það sama haust, þegar krakkarnir byrja í skólanum,“ segir Sigrún Eldjárn barnabókahöfundur og…
Sigrún Eldjárn Hún segir að börn þurfi bækur og að ömmur og afar séu einn helsti markhópurinn.
— Morgunblaðið/Eggert
Kristín Heiða Kristinsdóttir
khk@mbl.is
Þótt það líði ár á milli þess sem bækurnar koma út, þá líður tíminn ekki eins hratt í Mýrarsveitinni. Síðasta bók endaði að hausti og þessi hefst það sama haust, þegar krakkarnir byrja í skólanum,“ segir Sigrún Eldjárn barnabókahöfundur og teiknari, sem nýlega sendi frá sér þriðju bók sína í trílógíu þar sem segir frá nokkrum krökkum sem búa í útjaðri „grængolandi og stórhættulegrar mýrar“. Fyrst kom Ófreskjan í mýrinni, síðan Fjaðrafok í mýrinni og nú er það Fjársjóður í mýrinni.
„Í nýju bókinni eru gamalkunnar persónur úr fyrri bókunum tveimur, tvær fjölskyldur sem búa í mýrinni. Annars vegar strákurinn Móses sem býr með mömmunum sínum þremur og hins vegar þríburar sem búa með pabba sínum. Auk þess
...