Sögnin að bíða getur þýtt að fá, hljóta, öðlast – e-r bíður e-s aldrei/ekki bætur, þ.e. e-r verður aldrei samur aftur

Sögnin að bíða getur þýtt að fá, hljóta, öðlast – e-r bíður e-s aldrei/ekki bætur, þ.e. e-r verður aldrei samur aftur. (Og vörumst að „bera“ ekki e-s bætur.) Auk þess að þola, líða: „Því Gunnar vildi heldur bíða hel en horfinn vera fósturjarðarströndum,“ segir Jónas. Maður getur beðið slíkt tjón að maður bíði þess ekki bætur.