Fyrir ári frumsýnd leikhópurinn Umskiptingar fyrsta ævintýrið í brúðuleikhússeríu sem kallast Töfrabækurnar og nú verður annað verkið frumsýnt en það nefnist Fóa og Fóa feykirófa.
Verkið verður frumsýnt á morgun, 6. október, kl. 15 í Leikhúsinu á Möðruvöllum í Hörgársveit og verða sýningar þar á sunnudögum í október og fyrstu helgi í nóvember. Töfrabækurnar munu einnig ferðast um nærliggjandi sveitarfélög alla laugardaga í október og sýna á Kópaskeri, Húsavík, Þingeyjarsveit, Dalvík og Siglufirði.
Töfrabækurnar eru brúðuleikhússería fyrir yngstu börnin þar sem unnið er með þjóðsögur og eru sýningarnar einstaklega aðgengilegar sem fyrsta leikhúsupplifun barna, að því er fram kemur í tilkynningu frá Umskiptingum. Eftir sýningar verður boðið upp á föndur, kaffi og kruðerí. Miðasala fer fram á vefnum tix.is.
...