Við hjónin fylgjumst alltaf vel með jólabókaflóðinu og veljum fimm til sex bækur sem okkur þykja áhugaverðar. Um síðustu jól urðu eftirfarandi bækur fyrir valinu: Dauðadjúp sprunga eftir Lilju Sigurðardóttur sem er mjög áhrifamikil spennusaga og fjallar um Áróru og systur hennar sem fannst látin í hraungjótu á Reykjanesi. Maðurinn frá Sao Paulo eftir Skúla Sigurðsson er um íslenskan leigubílstjóra sem er skotinn í hnakkann 1977 en einnig koma við sögu þýskir hermenn sem særðust í orrustu í Úkraínu 1942. Skemmtileg flétta um raunverulega atburði og persónur. Land næturinnar eftir Vilborgu Davíðsdóttur er af allt öðrum meiði og fjallar um Þorgerði Þorsteinsdóttur. Eftir mikinn harmleik á Íslandi heldur hún í ævintýraför til Norergs og annarra landa þar sem hún lendir í miklum lífsháska. Fróðleg lesning og spennandi. Miðillinn eftir Sólveigu Pálsdóttur er áhugaverð spennusaga sem heldur lesanda en fær svo mjög óvæntan endi. Babúska eftir
...