Glæpasaga Voðaverk í Vesturbænum ★★★★· Eftir Jónínu Leósdóttur Mál og menning 2024. Kilja 300 bls.
Bækur
Steinþór
Guðbjartsson
Ímyndunarafl er eitt og framkvæmd annað en með hjálp Eddu, bóksala á eftirlaunum, tekst Jónínu Leósdóttur að sameina þetta tvennt á skemmtilegan hátt í Eddubókunum. Sjötta bókin, Voðaverk í Vesturbænum, er meinhæðin eins og þær fyrri en með alvarlegri tón með vísun til ýmissa samfélagslegra vandamála.
Edda, sem er á áttræðisaldri, lætur árin ekki stöðva sig. Hún tekur sitt rými, er með skýringar og skoðanir á öllu, alltaf með svar á reiðum höndum, fer sínu fram og lætur engan eiga inni hjá sér. Uppátækjasöm kona með óstjórnlegan áhuga á fólki sem börnin hennar kalla reyndar afskiptasemi og forvitni. Góð fyrirmynd þeirra sem halda að lífið sé búið þegar sjötíu árunum er náð.
...