Í leit að von í heimi töfra

Nú stendur yfir í Hafnarborg árleg haustsýning safnsins, þar sem upprennandi sýningarstjórum gefst kostur á að senda inn hugmyndir að sérsýningu sem byggir á hugðarefnum þeirra. Í þetta sinn er það Þórhildur Tinna Sigurðardóttir sem hreppt hefur hnossið. Sýning hennar byggir á „þörfinni fyrir að finna töfra í heimi sem virðist að mörgu leyti vera göldrum firrtur á tímum án bjartrar vonar“. Þetta er fögur hugsjón sem Tinna ber í brjósti. Til þess að ná markmiðum sínum hefur hún fengið til liðs við sig fjórtán manns til að takast á við galdur sýningarinnar. Ein listamannanna, Björg Þorsteinsdóttir, er látin og verk Sigríðar Björnsdóttur eru frá áttunda áratugnum — má líta svo á að abstraktmyndir þeirra séu kjölfesta eða kveikja fyrir aðra sýnendur, ómur