Kristín Heiða Kristinsdóttir
khk@mbl.is
„Ég er vakinn og sofinn flesta daga við að vinna í tónlist, bæði fyrir sjálfan mig og aðra, að taka upp plötur hér í stúdíóinu mínu fyrir hina og þessa. En ég var búinn að safna þokkalega í skúffuna frá því fyrri sólóplata mín, Kappróður, kom út fyrir þremur árum, svo ég skellti í þessa,“ segir Sigurður Guðmundsson tónlistarmaður sem fagnaði í gær útgáfu plötu sinnar Þetta líf er allt í læ. Hún kemur út í tvenns konar föstu formi, sem vínilplata og geisladiskur.
„Ég hef verið víða með hinum ýmsustu hljómsveitum, meðal annars Memfismafíunni og Hjálmum, og gefið margt út undir mínu nafni í samvinnu með öðrum, en mér fannst orðið tímabært að safna mínum eigin lögum saman í skúffu. Ég grínast stundum með að það sé bara pláss
...