Útitónleikar píanistans Emils Reinerts í Los Angeles í haust tóku óvænta stefnu en atburðurinn náðist á myndband og hefur vakið heimsathygli. Á meðan Emil spilaði gekk þriggja ára stúlka til hans með einfalt erindi. „Geturðu spilað „My Heart Will Go On“ með Celine Dion?“ sagði hún mjóróma. Emil varð glaður við bóninni, en hann átti ekki von á því að sú stutta myndi syngja og stela senunni algjörlega. Það gerði hún svo sannarlega og bræddi hjörtu allra viðstaddra sem klöppuðu af krafti við þennan óvænta flutning. Sjáðu myndbandið á K100.is.