Helgi Snær Sigurðsson
helgisnaer@mbl.is
Breiðskífa íslensku rokksveitarinnar Dead Eyed Creek, Out of Phase, hefur hlotið prýðilegar viðtökur og jákvæða umfjöllun víða um lönd. Er henni lýst á Facebook-síðu hljómsveitarinnar með þeim hætti að hún hafi allt til brunns að bera, allt frá þungum „riffum“ og svakalegum „grúvum“ yfir í sorglegar og undurfagrar ballöður.
Blaðamaður hafði samband við forsprakka sveitarinnar, Einar Vilberg, í síðasta mánuði og fyrsta spurningin var, einfaldlega, hver er Einar Vilberg? „Ég er laga- og textahöfundur, pródúser, söngvari, gítarleikari og session-trommari. Ég hef verið starfandi tónlistarmaður frá árinu 2001 og hef samið og gefið út tíu plötur, sex breiðskífur með hljómsveit minni NOISE en þær plötur samdi ég mestmegnis
...