Nýliðar Tindastóls unnu sinn annan leik á tímabilinu þegar liðið heimsótti Njarðvík í 3. umferð úrvalsdeildar kvenna í körfuknattleik í Njarðvík í gær. Leiknum lauk með dramatískum sigri Tindastóls, 77:76, en Njarðvík var með níu stiga forskot þegar fimm mínútur voru til leiksloka
Snerting Grindvíkingurinn Alexis Morris reynir að verjast Akureyringnum Evu Wium Elíasdóttur í gærkvöldi en þær fóru báðar mikinn í leiknum.
— Ljósmynd/Egill Bjarni
Körfuboltinn
Bjarni Helgason
bjarnih@mbl.is
Nýliðar Tindastóls unnu sinn annan leik á tímabilinu þegar liðið heimsótti Njarðvík í 3. umferð úrvalsdeildar kvenna í körfuknattleik í Njarðvík í gær. Leiknum lauk með dramatískum sigri Tindastóls, 77:76, en Njarðvík var með níu stiga forskot þegar fimm mínútur voru til leiksloka.
Tindastóll fer með sigrinum upp í 2. sæti deildarinnar og í fjögur stig en Njarðvík, sem hefur tapað tveimur leikjum í röð, er með tvö stig í 9. sætinu.
Leikurinn var í járnum allan tímann en staðan var jöfn, 22:22, að fyrsta leikhluta loknum. Sauðkrækingar voru sterkari í öðrum leikhluta og leiddu með fjórum stigum í hálfleik, 41:37.
Njarðvík tókst að jafna metin
...