Knattspyrnuþjálfararnir Árni Freyr Guðnason og Jóhann Birnir Guðmundsson eiga nú í viðræðum við forráðamenn Fylkis um að taka við þjálfun liðsins eftir tímabilið. Þetta herma heimildir Morgunblaðsins en Fylkismenn eru í þjálfaraleit þar sem Rúnar Páll Sigmundsson mun láta af störfum eftir tímabilið. Árni Freyr og Jóhann Birnir náðu mjög góðum árangri með ÍR á nýliðnu keppnistímabili í 1. deildinni þar sem liðið hafnaði í 5. sætinu.