Lára Elísabet Eiríksdóttir fæddist 16. október 1964 á Norðfjarðarspítala í Neskaupstað. Hún ólst upp á Eskifirði og var yngst sjö systkina. Foreldrar hennar ráku verslun á Eskifirði og Lára minnist þess að þau systkinin hafi oft verið að hjálpa til við ýmislegt í versluninni.
„Við vorum líka mikið að leika okkur og það var náttúrlega frábært að alast upp á Eskifirði og mikið frelsi að vera svona úti í náttúrunni og við krakkarnir vorum alltaf úti að leika okkur og þá léku bara allir saman, allt hverfið og við vorum að fara í þessa týpísku útileiki og ýmislegt að bralla.“
Móðir Láru rak lengi litla Shell-sjoppu á Eskifirði og seinna opnaði hún búð. Þar sem foreldrarnir voru báðir í mikilli vinnu kom amma hennar mikið heim til að líta eftir krökkunum og systir hennar líka. „Eskifjörður var samfélag þar sem allir þekktu alla
...