Sigurður Bogi Sævarsson
sbs@mbl.is
Níu eldgos á þremur árum, hættuástand og björgunaraðgerðir, flóttinn úr Grindavík, gerð varnarmannvirkja og sögur af fólki. Þetta er efni og inntak ljósmyndabókarinnar Reykjanes vaknar eftir Sigurð Ólaf Sigurðsson. Bókin kom út í síðustu viku og byggist á því að höfundurinn hefur í áraraðir verið ljósmyndari Slysavarnafélagsins Landsbjargar og er sem slíkur gjarnan á vettvangi aðgerða og verkefna sem liðsmenn félagsins sinna. Nauðsynlegt þykir að skrá söguna og að myndefni af helstu aðgerðum sé tiltækt og þannig hefur Sigurður safnað efni í sarpinn í framvindu atburða og umbrota á Suðurnesjum síðustu ár. Á tölvuna eru komnir tugir þúsunda ljósmynda úr atburðarás sem á sér enga hliðstæðu.
Aldrei teknar fleiri myndir
Bókin nýja sem er 416
...