1943 Dátar í hinni konunglegu hersveit sáu að þessi orusta þar sem við náttúruöflin var að tefla var töpuð. Þannig er undanhaldinu frá herflugvellinum lýst
Sviðsljós
Sigurður Bogi Sævarsson
sbs@mbl.is
Í síðari heimsstyrjöldinni voru íslenskum fjölmiðlum margvíslegar skorður settar þegar kom að umfjöllun um erlend herlið á Íslandi og hvað gerðist í þeirra ranni. Veruleiki þess endurspeglast ágætlega í hugtakinu hernaðarleyndarmál – og því að oft er sagt að í stríðsrekstri sé sannleikurinn jafnan fyrsta fórnarlambið. Þeir sem í stríði standa þurfa að aka seglum eftir vindi og haga upplýsingagjöf þannig að slíkt gagnist sér – og geti verið krókur á móti bragði andstæðinganna.
Bretar gripu í tómt
Þann 10. maí 1940, daginn sem Ísland var hernumið, fór flokkur úr breska hernámsliðinu austur fyrir fjall í því skyni að ná yfirráðum á flugvellinum í Kaldaðarnesi í Flóa. Sá staður er lítið
...