Þrenna Lionel Messi skoraði þrennu fyrir argentínska liðið.
— AFP/Luis Robayo
Lionel Messi var allt í öllu er hann skoraði þrennu og lagði upp tvö mörk til viðbótar í 6:0-sigri Argentínu á Bólivíu í undankeppni HM 2026 í knattspyrnu í Buenos Aires í fyrrinótt. Messi skoraði og lagði upp tvö mörk í fyrri hálfleik og skoraði svo sjálfur tvö mörk til viðbótar undir lok leiksins. Brasilía lenti ekki í neinum vandræðum með Perú á heimavelli og vann 4:0. Raphinha skoraði tvívegis fyrir Brasilíumenn.