Grindavík Ráðist hefur verið í fjölda mótvægisaðgerða innan bæjarins til að gera hann að öruggari stað en áður.
— Morgunblaðið/Eggert
Stefnt er að því að innakstur í Grindavíkurbæ verði hindrunarlaus og bærinn opinn öllum frá og með 21. október. Aðgengi að bænum hefur verið meira og minna heft frá því í nóvember á síðasta ári þegar mikið kvikuhlaup náði undir bæinn.
Bærinn er nú á óvissustigi sem er lægsta stig almannavarna. Verður þetta fyrirkomulag í gildi þar til hættustigi kann að verða lýst yfir á ný.
Vegna þeirra mótvægisaðgerða sem farið hefur verið í og eru í gangi er Grindavík talin öruggari staður en áður og tilgangurinn með auknu aðgengi er að standa vörð um bæinn og verðmæta atvinnustarfsemi.
Þetta kom fram á upplýsingafundi framkvæmdanefndar vegna jarðhræringa í Grindavíkurbæ í gær.
Öryggismiðstöðin, sem vaktað hefur lokunarpósta, mun
...