Rússar búa við kröpp kjör og tilvera almennings er grá. Lífskjör og velmegun almennings njóta ekki beinlínis forgangs hjá rússneskum stjórnvöldum. Vladimír Pútín forseti Rússlands leggur megináherslu á að reka stríðið í Úkraínu og í raun ríkir rummungaræði í Rússlandi þar sem útvalinn hópur sogar til sín auð og völd á kostnað almennra borgara.
Á fimmtudag samþykkti rússneska þingið einróma fyrsta uppkast til laga að banni við „áróðri“ um að „hafna barneignum“. Forseti dúmunnar sagði þegar hann mælti fyrir frumvarpinu að yfir stæði „stríð á vígstöðvum hugmyndafræðinnar“.
Í frumvarpinu er kveðið á um sektir á einstaklinga og fyrirtæki og er þar einnig ákvæði um að vísa megi útlendingum úr landi.
Þegar er í gildi sambærilegt bann hvað varðar hinsegin
...