Skaginn Ómar Björn Stefánsson er kominn til ÍA frá Fylkismönnum.
— Ljósmynd/Jón Gautur Hannesson
Knattspyrnumaðurinn Ómar Björn Stefánsson hefur gert þriggja ára samning við ÍA. Hann kemur til Skagamanna frá Fylki. Ómar, sem er uppalinn Fylkismaður, hefur skorað þrjú mörk í 27 leikjum í efstu deild með Fylki og tvö mörk í 13 leikjum í 1. deild. Fylkir er fallinn úr Bestu deildinni, þrátt fyrir að tvær umferðir séu enn eftir. ÍA er sem stendur í fimmta sæti með 37 stig og enn í baráttunni um Evrópusæti.