Ásdís Björg Pétursdóttir hætti að vinna þegar hún varð sjötug í maí 2019, var kvödd með virktum eftir liðlega 37 ára starf og fór í þriggja vikna ferðalag. Nokkrum dögum eftir heimkomuna var hún beðin að koma aftur
Steinþór Guðbjartsson
steinthor@mbl.is
Ásdís Björg Pétursdóttir hætti að vinna þegar hún varð sjötug í maí 2019, var kvödd með virktum eftir liðlega 37 ára starf og fór í þriggja vikna ferðalag. Nokkrum dögum eftir heimkomuna var hún beðin að koma aftur. „Ég fékk hringingu og spurningin var: Ásdís mín, heldurðu að þú getir komið og hjálpað okkur?“ Nú, rúmlega fimm árum síðar, er hún enn á fullu í vinnunni, þótt lausráðin sé. „Það er eins og ég hafi aldrei hætt.“
Ferðaskrifstofan Úrval var stofnuð 1970 og Ásdís hóf störf hjá fyrirtækinu í Pósthússtræti 9 í Reykjavík í febrúar 1982. Síðar sameinuðust Úrval og
...