Guðmundur Sv. Hermannsson
gummi@mbl.is
Þing Norðurlandaráðs verður haldið í Reykjavík dagana 27. til 31. október. Bryndís Haraldsdóttir forseti Norðurlandaráðs segist ekki telja að væntanlegar alþingiskosningar hér á landi og kosningabaráttan þeim tengd muni hafa áhrif á þingstörfin.
„Ég spái öflugu og góðu þingi,“ segir Bryndís við Morgunblaðið.
Formennskuáætlun Íslands fyrir Norðurlandaráð var kynnt á þingi ráðsins í Ósló á síðasta ári undir yfirskriftinni Friður og öryggi á norðurslóðum. Bryndís segir að það sem hafi verið hvað viðkvæmast á þessu ári og mestur tíminn farið í sé að finna pólitíska lendingu í því hvernig breyta eigi Helsingforssamningnum, sem er frá árinu 1962 og er eins konar stjórnarskrá Norðurlandaráðs. Hefur forsætisnefnd Norðurlandaráðs
...