Birkir Snær Steinsson var markahæstur hjá Haukum þegar liðið hafði betur gegn Cocks frá Finnlandi í 32-liða úrslitum Evrópubikars karla í handknattleik í fyrri leik liðanna á Ásvöllum í Hafnarfirði í gær.
Leiknum lauk með níu marka sigri Hauka, 35:26, en Birkir Snær gerði sér lítið fyrir og skoraði sjö mörk í leiknum.
Haukar byrjuðu leikinn betur og leiddu með sex mörkum, 7:1, eftir tíu mínútna leik. Cocks tókst að minnka Hauka í fimm mörk eftir tæplega tuttugu mínútna leik en Haukar voru sterkari á lokamínútum fyrri hálfleiks og leiddu með sjö mörkum í hálfleik, 18:11.
Hafnfirðingar héldu uppteknum hætti í síðari hálfleik og voru miklu sterkari aðilinn. Þráinn Orri Jónsson kom Haukum þrettán mörkum yfir, 32:19, þegar tíu mínútur voru til leiksloka en
...