Snorri Steinn Guðjónsson, þjálfari karlalandsliðsins í handbolta, er með firnasterkan 18 manna hóp fyrir leikina gegn Bosníu og Georgíu í undankeppni EM 2026 sem fram fara 6. og 10. nóvember.
Aron Pálmarsson, Viktor Gísli Hallgrímsson, Elvar Örn Jónsson og Haukur Þrastarson koma allir inn í hópinn frá síðustu leikjum, sem voru gegn Eistlandi í umspili HM í vor.
Þá kemur línumaðurinn Sveinn Jóhannsson frá Kolstad í Noregi inn í hópinn í fyrsta sinn í þrjú ár.
Til marks um styrkleika hópsins spila 11 leikmenn af 18 í Meistaradeildinni í vetur og fimm til viðbótar í Evrópudeildinni. Hópinn skipa eftirtaldir:
Markverðir: Björgvin Páll Gústavsson (Val) og Viktor Gísli Hallgrímsson (Wisla Plock).
Hornamenn: Bjarki Már Elísson (Veszprém), Orri Freyr Þorkelsson (Sporting), Óðinn Þór Ríkharðsson (Kadetten) og Sigvaldi Björn Guðjónsson (Kolstad).
Línu- og varnarmenn: Ýmir Örn Gíslason
...