Ásrún Helga Kristinsdóttir, forseti bæjarstjórnar Grindavíkur, er ánægð með að búið sé að opna Grindavík á ný.
Hún vonast til þess að meira líf færist nú í atvinnulífið.
„Þetta leggst bara ljómandi vel í okkur, þetta er góður tímapunktur. Við höfum talað um það að við þurfum að nýta þessa tímaramma á milli atburða vel og það er búin að fara fram mikil vinna í bænum, gera bæinn öruggan að nýju og já, við erum bara brött og ánægð með þessa ákvörðun,“ segir Ásrún í samtali við Morgunblaðið.
Ásrún segir bæjarbúa almennt ánægða með opnunina.